Elmet

Warning: Value not specified for "continent"

Rouantelezh Elmet
← Vvet kantved – 627 →
Yr Hen Ogledd (an norzh kozh) war-dro 550 – 650
Kêr-benn	Loidis (Leeds) ha/pe Cambodunom (Slack moarvat, e-kichen Huddersfield)
Yezh(où)	Kembrig
Relijion	Kristeniezh kelt
Gouarnamant	Not specified
Roue
- ~460-~495	Masgwid Gloff
- ~495-~540	Llaennog ap Masgwid
- ~540-~560	Arthuis ap Masgwid
- ~560-590	Gwallog ap Lleinnaog
- 590-617	Ceredig ap Gwallog
'	Krennamzer Uhel
- Krouet	Vvet kantved
- aloubet	616
- Aet da get	Amzer Fask

Elmet (pe Elfed e kembraeg a vremañ) a vez graet eus ur rouantelezh vrezhon a oa neuze er vro a zo hiziv West Riding of Yorkshire. Petra bennak ma'z eo amsklaer he harzoù e oa bevennet gant ar stêr Sheaf er c'hreisteiz ha gant ar stêr Wharfe. Harzoù a oa gant Deira ha Bernicia en hanternoz hag er su ha gant ar pezh a oa marteze ur rouantelezh vrezhon vihan hag a oa war-dro Kraven war-du ar c'hornog.

N'eo ket sklaer pegoulz na penaos e oa ganet ar rouantelezh. Marteze e teuas diwar disrannadur rouantelezh Coel Hen met marteze ivez e tiskenn eus ur meuriad brezhon kozh a vefe deuet da vout dizalc'h adarre goude disparti ar Romaned e 410.

Ne ouzer nemet nebeut a dra diwar-benn istor ar rouantelezh. Unan eus he rouaned en deus kemeret perzh er c'hevredad bleiniet gant Urien Rheged da ziarbenn Angled Bernicia e 590. Goude muntr Urien ha diskar e rouantelezh e voe gourdrouzet Elmet muioc'h-muiañ gant rouantelezh Northumbria, nevez krouet, ha dav e voe dezhi sevel mogerioù-difenn war-dro Barwick-in-Elmet.

E 616 e voe aloubet ha distrujet ar rouantelezh gant Edwin Northumbria. N'eo ket sklaer petra a oa abeg ar brezel met marteze eo muntr Hereric e oa, un ezel eus familh roueel Northumbria harluet en Elmet a oa tad santez Hilda.

E 632 e voe adaloubet ar rannvro gant Cadwallon ap Cadfan eus Gwynedd goude e drec'h war Edwin Northumbria en emgann Meigen. Tri bloaz diwezhatoc'h e voe faezhet Cadwallon gant Oswald Bernikia en emgann Cantscaul ha kollet da vat e voe Elmet evit ar Vrezhoned.